MESS JACOB CHENGULA ALIVYOWASHA MOTO WA INJILI KATIKA KANISA LA YESU KRISTO HUDUMA YA MAOMBEZI NA UPONYAJI MBEZI SALASALA KWA NABII FLORA PETER

Siku ya Jumapili 09.03.2014 kulikuwa na furaha ndelemo na vigeregere kwa utukufu wa Mungu katika kanisa la Yesu Kristo Huduma ya Maombezi na Uponyaji lililopo Mbezi Salasala pale tu mtumishi wa Mungu na mpakwa mafuta Mess Jacob Chengula alipowasha moto wa injili kwa njia ya uimbaji. Watu waliselebuka na kufurahi kutokana na nyimbo alizokuwa akizimba mtumishi wa Mungu Mess Chengula zenye mguso katika maisha ya wanadamu, zenye kufariji, kuelimisha na kuadibisha.


Nabii Flora Peter akimtunza Mess Jacob Chengula.

Jamani Mungu ana watu wake hapa duniani na watu hawa wanafanya kazi ya Mungu hata bila ya kuangalia nini wanapata kutoka kwa Mungu, mmojawapo ni Mess Jacob Chengula. Kumbuka siku ya Jumapili ya tarehe 02.03.2014 alifanya tamasha kubwa sana katika ukumbi wa Ubungo Plaza hapa jijini Dar es Salaam na kualika waiimbaji zaidi ya 20 maarufu hapa Tanzania kama vile Rose Muhando, Upendo Nkone, Neema Gasper, Tumaini Njole, edson Mwasabwite, Atosha Kissava, Miriam Lukindo, Masanja Mkandamizaji, Faraja Ntaboba kutoka Congo, na wengine wengi. Hii si kitu cha kawaida kabisa kwa waimbaji kufannya hivi, ila ni kwa neema ya Mungu Mess Jacob aliweza kufanya hivyo na kukubalika.

Kulia niMchungaji Ansila akiwa na Mchungaji Jury wakimtunza Mess Jacob Chengula kwa kazi nzuri anafanya wa njia ya uimbaji

Haya turudi katika ibada ya Jumapili pale kanisani kwa Nabii Flora Peter, baada ya kumaliza kuimba nyimbo zake nne aliweza kugawa DVD zake za MUNGU HABADILIKI bure kwa baadhi ya waumini na zingine kuuza kwa bei ya chini sana yaani Tshs. 2000. Hii inaoonyesha mtumishi huyu hayupo kibiashara kwa kazi ya Mungu bali yuko kumtumikia Mungu na kuhahakikisha kile anachokifanya kwa njia ya uimbaji kinawafikia watu wote.

Nabii Flora Peter akiwa ameinua DVD ya Mess Jacob Chengula kama ishara ya kukubali kazi yake ya uimbaji

Mess Jacob Chengula ni mtu anayejali sana kazi ya Mungu na kuhakikisha kazi ya Mungu inakuwa katika viwango vuya kimataifa, Ukiangalia DVD yake utaona ni jinsi gani Mess amejituma na kujibidiisha kufanya kitu kizuri kwaajili ya Mungu. Kuna baadhi ya maeneo ametumia akiwa katika nchi ya China na Dubai na hii yote ni kutka kazi ya Mungu ionekane ni ya Kimataifa.

Mess Jacob Chengula akiimba wimbo wa Maji ya Uzima

Mbali na uimbaji Mess Jacob Chengula amekuwa ni mtooaji mkubwa makanisani, na hii utashuhudia katika kanisa la RGC Tabata Chang'ombe kwa mtume Peter Nyaga ambapo alifanya juhudi zake na kumtumia Mheshimiwa mmoja (hatutamtaja jina) kwa kumuombaafike katika kanisa hilo ili aweze kuchangia huduma ya Mungu isonge mbele. Mheshimiwa huyo aliweza kuahidi kutoa milioni moja za Kitanzania. Mbali hapo Jumapili iliyopita kabla ya ile Jumapili ya uzinduzi wa albamu yake aliweza kuahidi mifuko 10 ya simenti katika kanisa la Yesu Kristo Huduma ya Maombezi na Uponyaji Mezi Salasala kwa Nabii Flora Peter. Pia amekuwa akitoa misaada kwa Yatima kama vile kituo cha Kurasini cha watoto wasiojiweza ambapo alitoa vyakula na vinywaji.

Dada huyu akiziuza DVD za Mess Jacob Chengula
Mess jacob Chengula hakika anajitahidi kufanya kazi ya Mungu kwa njia ya uimbaji na utoaji. Tunatakiwa kumuombea ili Mungu azidi kubariki kazi ya mikono yake na familia yake.

Unaweza kuwasiliana naye kwa simu 0715 880 584